Në Vlorë, 5 zyrtarë të zyrës së inspektoriatit urbanistik, përfshirë Kryeinspektorin aktual David Tushaj, dhe pararendësin e tij në këtë detyrë Besnik Karabolli, kanë përfunduar në pranga së bashku me administratorin e një kompanie ndërtimi, Edmond Aliaj, për ndërtimin pa leje të një pallati 12 katësh në këtë qytet. Arrestimi i tyre është bërë me urdhër të prokurorisë e cila kishte nisur hetimet në janar të këtij viti, pas denoncimit të dy qytetarëve. Sipas Prokurorisë“kompania private“Endriu 008”kishte nisur punimet që prej vitit 2014, pa u pajisur me lejen e ndërtimit”, ndërkohë që nga hetimet ka rezultuar se“Inspektorati Vendor Urbanistik (INUV)i Bashkisë Vlorë ka pasur dijeni për ndërtimin e këtij pallati dhe nuk ka kryer asnjë urdhërim për ndalimin e tij”. Madje INUV në 2014 kishte marrë vendimin e pezullimit të ndërtimit, e megjithatë“punimet për ndërtimin e pallatit kanë vijuar pa asnjë pengesë nga ana e autoriteteve publike”, saktëson prokuroria e cila“ka krijuar dyshime të arsyeshme se nga ana e zyrtavë të INUV, Bashkia Vlorë, janë konsumuar elementët e veprës penale të“Shpërdorimit të detyrës”. Ndërsa për administratorin e kompanisë së ndërtimit, janë krijuar dyshimet e arsyeshme se ka konsumuar elementët e veprës penale të“Ndërtimit të paligjshëm”.